Ipapatupad na ng Department of Transportation (DOTr) ang ‘no vaccination, no ride/entry’ policy sa mga pampublikong transportasyon sa National Capital Region habang nasa ilalim pa ng Alert Level 3 ang dahil sa patuloy na pagtaas ng mga naitatalang bagong kaso ng COVID-19.
Inisyu ni Transportation Secretary Arthur Tugade ang Department Order No. 2022-001 nitong Enero 11, 2022 na tanging ang mga fully-vaccinated individuals lamang ang pagkakalooban ng public transportation access sa mga pampublikong transportasyon.
Maaari umanong patunayan ang full vaccination status ng isang pasahero sa pamamagitan nang pagpapakita ng physical o digital copies ng kanilang local government unit-issued vaccine card.
Exempted naman mula sa naturang “no vaccination, no ride” policy ang mga taong hindi maaaring magpabakuna laban sa COVID-19 dahil sa kanilang medikal na kondisyon, ngunit dapat na may maiprisinta itong duly-signed medical certificate na may pangalan at contact details ng kanilang doktor. | JP
About Author
