Dinaluhan ng Philippine Chamber of Commerce and Industry (PCCI) Lipa City ang isinagawang presentasyon ng Aboitiz Infra Capital at Lima Estates sa Lima Experience Center, sa Lipa City Batangas nito lamang Pebrero 1, 2023 dakong alas-5:00 ng hapon.
Ibinahagi at tinalakay ni Vice President – Lima Economic Estate Clifford Academia, ang itinatayong proyekto sa Lipa City ng Aboitiz Land at Lima Land, ang nasa 800 ektaryang lupain na kung saan tiniyak na mapapakinabangan lalo ng mga negosyante at mga mamayan hindi lang sa lungsod kundi sa mga karatig bayan at mga munisipalidad.
Sa naturang proyekto, inaasahan na rin na magiging sentro ito ng mga BPO companies, Office buildings, housing facilities, schools, hospitals, hotels, civic centers, at marami pang iba.
Sa kasalukuyan, ito na ang pinakamalaking industrial estate project ng Aboitiz na pinahusay na sistema ng transportasyon, smart economic centers, AI-powered sustainable power at water facilities.
Dumalo sina PCCI Lipa City President Mary Ann Locsin Katigbak, at iba pang mga miyembro’t opisyales.
About Author
