Isang 26-anyos na lalaki ang walang kalaban-laban na tinutukan ng kutsilyo at sinaksak sa likod ng isang suspek sa harap ng sari-sari store sa Bauan, Batangas noong Martes ng gabi ika-28 ng Pebrero 2023.
Kinilala ng pulisya ang biktima na si Jean Claude Dimatulac, residente ng Marasigan St. Brgy. Aplaya, habang ang suspek naman ay si Joseph Paulo Sulit, isang 32-anyos.
Ayon sa ulat, bandang alas-11 ng gabi, habang si Dimatulac ay nasa harap ng isang tindahan sa kanilang lugar ay bigla na lang lumitaw ang suspek habang hawak nito ang isang kutsilyo at agad na sinaksak sa likod ang biktima ng dalawang beses bago tumakas sa lugar ng insidente.
Isinugod naman sa ospital ang naturang biktima.
Agad naman nahuli ang suspek sa lugar ng krimen matapos puntahan ng awtoridad ang pinangyarihan ng insidente.
Kasalukuyan nakakulong si Sulit at posibleng maharap sa kaukulang kaso.
Patuloy naman inaalam ng pulisya ang motibo sa pananaksak ng suspek sa biktima. | JLReglos
About Author
