Isang bangkay ng lalaking matagal nang nawawala ang natagpuan na palutang-lutang sa Taal Lake sa Barangay Leviste, Laurel, Batangas, bandang alas-12 ng tanghali noong Disyembre a-21, 2025.
Kinilala ng Batangas Police Provincial Office ang biktima na si Harriz Orlanes, alyas “Tisoy,” 32-anyos, isang negosyante.
Ayon sa inisyal na imbestigasyon ng Laurel Municipal Police, ang bangkay ay unang namataan ng kaibigan ng biktima na si Adonis, na matagal nang naghahanap kay Orlanes matapos itong iulat na nawawala noong Disyembre a-19 habang sakay ng isang bangka.
Agad humingi ng tulong si Adonis sa Philippine Coast Guard na siyang nag-rekober ng bangkay at naghatid nito sa isang punerarya sa bayan ng Laurel.
Matatandaang ipinanawagan pa ng mga kaanak at kaibigan ng biktima ang pagkawala nito Balisong Channel News.
Ang biktima ay tubong Quezon City at kasalukuyang naninirahan sa Barangay Leviste. Patuloy pa ang imbestigasyon ng mga awtoridad sa naturang insidente. | BChannel news | 📸 Philippine Coast Guard
About Author
