Dead on the spot ang dalawang pulis sa lungsod ng Mabalacat matapos pagbabarilin ng limang suspek sa Brgy. Dau, Mabalacat Pampanga nitong Sabado ng madaling araw.
Kinilala ang mga biktima na sina Police Senior Master Sergeant Sofronio Capitle, Jr. at Police Staff Sergeant Dominador Gacusan JR., na pawang mga myembro ng Drug Enforcement Unit ng Mabalacat city police station matapos magsagawa ng anti-illegal drug operations sa naturang lugar nang mangyari ang pamamaslang.
Ayon sa ulat ng kapulisan, habang pauwi sakay ng motorsiklo, bigla pinaputukan ng mga suspek ang mga biktima sa ulo sa naturang lugar at nang bumulagta sa kalsada binaril pa ito nang malapitan para masigurong patay na ang mga biktima.
Batay pa sa ulat, ang mga suspek ay nasa 5 na sakay ng 2 motorsiklo na naka-bonnet at longvsleeves.
Sa ngayon, ipinag-utos na ng kapulisan, ang masusing imbestigasyon para mahuli ang mga hindi pa kilalang suspek.
About Author
