Napatay na ang lalaking umano’y kabilang sa grupong ng nasa likod na pagpatay sa dalawang pulis sa Pampanga, ayon sa ulat ng Philippine National Police (PNP) nitong Lunes.
Batay sa imbestigasyon ng pulisya, nabatid na sakay ng motorsiklo ang suspek nang sitahin ito sa isang checkpoint. Kung saan agad na nanlaban ang hindi pa kilalang suspek kaya napatay ito ng mga pulis.
Narekober sa crime scene ang isang baril at ang motorsiklo ng suspek.
Nangyari umano ang engkuwentro kaugnay ng follow-up operations na inilunsad ng Pampanga Police para madakip ang mga suspek sa pagpatay kina Police Senior Master Sergeant Sofronio Capitle Jr. at Police Staff Sergeant Dominador Gacusan Jr., kung saan binaril ang mga ito nang malapitan.
Una nang inaresto ng mga pulis ang tatlong suspek na sina Jun Jun Baluyut, Aries Bagisic, at Leslie Placiente sa Barangay Dau sa Mabalacat City, Pampanga, nitong Linggo.
About Author
