Arestado ang isang lalaki sa ikinasang buy-bust operation ng Calaca Municipal Police Station sa Barangay Lumbang Calzada, Calaca, Batangas, noong Huwebes, Abril 13.
Kinilala ang suspek sa pangalang Alan Villamar, 63-anyos, isang tricycle driver at residente ng naturang lugar.
Batay sa report, bandang alas-3:14 nang hapon ng maaktuhan sa pagbebenta nito ng hinihinalang shabu. Nasamsam sa suspek ang isang sachet na hinihinalang shabu at drug money na nagkakahalaga ng 500 piso na ginamit sa buy-bust.
Base sa imbestigasyon, ang suspek ay bago pa lamang sa pagtutulak ng ipinagbabawal na gamot sa komunidad.
Ang suspek ay nahaharap sa kasong paglabag ng Comprehensive Dangerous Drugs Acts of 2002. | JP. Reyes, BChannel News intern
About Author
