Isang bagong tagumpay ang naitala ng 19-anyos na si Alex Eala matapos niyang talunin ang world No. 2 at limang beses na Grand Slam champion na si Iga Świątek sa Miami Open, 6-2, 7-5.
Si Eala, isang wild card entry sa torneo, ay nagtala ng sunod-sunod na panalo laban sa mga Grand Slam champions, kabilang sina Jelena Ostapenko at Madison Keys. Sa laban kontra Świątek, ipinakita niya ang kanyang matibay na depensa, agresibong paglalaro, at matalinong shot selection na naging susi sa kanyang panalo.
Dahil sa tagumpay na ito, papasok si Eala sa Top 100 ng WTA rankings sa unang pagkakataon, at siya na ang pinakamataas na naitalang ranking ng isang Pilipino sa kasaysayan ng women’s tennis.
Hindi makapaniwala si Eala sa kanyang nagawa, ngunit nananatili siyang nakatutok sa mas malalaking pangarap—ang manalo ng Grand Slam at maging world No. 1. Susunod niyang haharapin ang semifinal laban kay Jessica Pegula o Emma Raducanu. | BChannel NEWS | 📸 Reuters
About Author
