Ang Miss CosmoWorld Philippines pageant ay may tumatagingting na P1-million cash prize para makaakit ng mga kababaihan na sumali sa unang edisyon nito ngayong taon, na pinaniniwalaang pinakamalaki sa kasaysayan ng pageantry.
Inihayag ito ni reigning Miss CosmoWorld Meiji Cruz, ang unang babaeng Filipino na nag-uwi ng international title, sa national pageant’s launch na ginanap sa Kao Day and Night Club sa Newport World Resorts sa Pasay City noong Abril 12. Siya na ngayon ang franchise holder para sa Pilipinas.
Ang bagong national pageant ay nag-aalok ng malaking halaga para itugma ang record-breaking na prize package ng international contest. Nagbulsa si Cruz ng $100,000 (P5.5 milyon) sa pagkapanalo sa Miss CosmoWorld competition na ginanap sa Malaysia noong Nobyembre, ilang buwan lamang matapos ang kanyang kontrata bilang Binibining Pilipinas second runner-up.
Bukas ang Miss CosmoWorld Philippines sa mga Filipina at nasa pagitan ng edad na 18 at 27. Walang height requirement, ngunit ang mga aplikante ay dapat single, hindi pa nakapag-asawa o nagkaanak. | Juan Paolo M. Reyes, BChannel News | 📸 bb.meijicruz/Instagram
About Author
