Arestado ang isang lalaki sa isinagawang anti-illegal drug operation sa Batangas City bandang alas-5:15 ng hapon nitong Linggo.
Ayon sa ulat ng Batangas Police, naaktuhang nagbebenta ng ipinagbabawal na droga ang suspek na si alyas Khristian, 33 anyos.
Nakumpiska sa suspek ang apat na piraso ng plastic sachet na naglalaman ng hinihinalang shabu na may timbang na 5.20 grams na may halagang P35,880.00, isang 1000 peso bill na marked money, cellphone at drug paraphernalia.
Sa ngayon, nasa kustodiya na ng pulsiya ang naturang suspek at nahaharap sa kasong paglabag sa RA 9165 o Comprehensive Dangerous Drugs Act of 2002.
About Author
