Arestado ang isang lalaki na Most Wanted Person sa kasong rape matapos magsagawa ng manhunt operation ang Tanauan City Police Station sa Brgy.Balele, Tanauan City, Batangas nitong Hunyo 8, dakong 10:50 ng umaga.
Kinilala ang suspek na si Michael Siman, 39-anyos, may asawa, isang construction worker, residente ng Brgy. Wawa, Tanauan City, Batangas at kasalukuyang naninirahan sa Sitio Subic Brgy. Balele, Tanauan City, Batangas.
Naaresto ang nasabing suspek sa bisa ng Warrant of Arrest sa kasong panggagahasa na inilabas ni Hon. Jose Ricuerdo Policarpio Flores, Regional Trial Court Branch 6, Tanauan City noong May 30, 2023 na may Criminal Case Number 23-05-591 at walang rekomendadong piyansa.
Sa ngayon, ang akusado ay nasa himpilan na ng pulisya at mahaharap sa tamang dokumentasyon at disposisyon. | Isabelle Ramos, BChannel News intern | 📸
About Author
