Arestado ang isang 37-anyos na lalaki sa isinagawang buy-bust operation ng Padre Garcia Municipal Police Station sa Barangay Cawongan, Padre Garcia, Batangas nitong Martes ng gabi.
Sa police report ng Batangas PPIO, nahuli ang suspek na si alyas “Ariel” nang magbenta ito ng hinihinalang shabu sa isang poseur-buyer.
Ayon sa imbestigasyon ng Padre Garcia MPS, nakumpiska mula sa suspek ang apat na heat sealed transparent sachet na naglalaman ng 3.96 grams ng hinihinalang shabu na nagkakahalaga ng P27,324.00.
Nakuha din sa suspek ang isang kalibre .38 na baril at limang piraso ng bala.
Sa ngayon nasa kustodiya ng Padre Garcia MPS ang suspek at mahaharap sa kasong paglabag sa Comprehensive Dangerous Drugs Act of 2002 at Omnibus Election Code
About Author
