Patay ang dalawang security guard sa Adventist University of the Philippines (AUP) matapos pagbabarilin ng hindi pa kilalang suspek nitong Martes sa Barangay Puting Kahoy Silang, Cavite.
Ayon sa report ng Silang Police Station, habang nasa harapan ang dalawang biktima na sina Marlon Pilinio at Ron Aldrin Siosa, ay dumating ang suspek, sakay ng motorsiklo pero pagtapat nito sa gate ng unibersidad, bigla na lamang pinagbabaril ang mga biktima na agad nilang ikinamatay.
Matapos ang insidente kaagad na tumakas ang suspek.
Kinondena naman ng unibersidad ang ginawang pamamaril sa dalawang security guard at nilinaw na walang kinalaman sa pang-araw-araw na operasyon ng unibersidad.
Sa ngayon, nagpapatuloy ang imbestigasyon ng mga awtoridad ukol sa motibo ng suspek gayundin ang pagkakakilanlan nito.
About Author
