Patay ang isang rider habang sugatan naman ang angkas nito matapos umanong magkabanggaan ang sinasakyan nilang motorsiklo sa isang truck sa Calaca City, Batangas nitong Biyernes Disyembre 8, 2023.
Nakilala ng pulisya ang nasawi na si Darwin Bautista, habang isinugod naman sa ospital ang back-rider na si Mary Magdalene Buño.
Batay sa inisyal na ulat ng Calaca Police Station, ang insidente ay naganap dakong 3:20 ng umaga sa National highway, Brgy. Pantay, City of Calaca Batangas.
Lulan ang mga biktima ng isang motorsiklo patungo sa Balayan nang mabangga ng truck na minamaneho ni Agripino Pagkaliwangan.
Dahil dito, nagtamo ng mga sugat sa ulo at iba’t ibang bahagi ng katawan ang rider at ang back-rider nito.
Agad naman rumesponde ang MDRRMO at isinugod sa ospital ang dalawang biktima subalit idineklarang dead on arrival si Bautista.
Sa ngayon, patuloy na inaalam ng otoridad ang naging sanhi ng naturang aksidente.
About Author
