Nasawi ang sisenta-uno anyos na lolo nang masagasaan ng motorsiklo sa National road ng Brgy. Banaba, Padre Garcia, Batangas nitong Linggo ng gabi.
Nakilala ang biktima na si Ernesto Relos, tubong Brgy. Sadsaran, Mauban, Quezon.
Ayon sa report ng Padre Garcia Police, habang tumatawid ang biktima na si Ernesto Relos sa naturang daan ay nahagip ito ng paparating na motorsiklo na minamaneho ni Richard Reguindin, 34-anyos.
Dahil dito, nagtamo ng pinsala ang biktima sa iba’t iabang bahagi ng kanyang katawan.
Nadala pa ang biktma sa ospital ngunit idineklarang dead on arrival.
Samantala, si Reguindin ay kasalukuyang nasa kustodiya ng pulisya para sa tamang disposisyon habang patuloy ang isinasagawang imbestigasyon sa naturang insidente.
About Author
