Nasawi ang isang 31-anyos na lalaki na sakay ng motorsiklo matapos mabangga umano ng nakasalubong na kotse sa National Road, Brgy Calicanto, Batangas City noong Lunes ng madaling araw.
Batay sa inisyal na imbestigasyon ng Batangas City Police, habang binabaybay ng biktima ang naturang daan ay nabangga umano ang minamaneho nitong motorsiklo ng nakasalubong na kotse.
Dahil sa lakas ng pagkakasalpok, parehong nagkaroon ng matinding pinsala sa iba’t ibang bahagi ng katawan ang dalawang driver.
Ayon sa pulisya, possibleng naka-idlip ang 25-anyos na driver ng kotse kaya nabangga nito ang nakasalubong na motor.
Naisugod naman ang dalawa sa pagamutan, subalit idineklarang dead-on-arrival ang driver ng motorsiklo, habang ang isa ay patuloy na ginagamot.
Sa ngayon, patuloy pa rin ang isinasagawang imbestigasyon ng mga awtoridad sa naturang insidente
About Author
