Sugatan ang isang lalaki sa pamamaril na naganap sa Purok 3, Barangay Talisay, Lipa City, Batangas bandang alas-8 ng umaga noong Nobyembre 20, 2024.
Batay sa paunang imbestigasyon ng Lipa Police, habang naglalakad ang biktima sa kahabaan ng barangay road nang bigla siyang barilin ng back rider ng isang motorsiklong minamaneho ng isa pang kasabwat. Nagtamo ng tama ng bala sa kanyang kanang kamay ang biktima.
Matapos ang insidente, mabilis na nakatakas ang mga suspek patungo sa bypass road ng Barangay Talisay.
Agad namang dinala ang biktima sa Hospital ng isang barangay councilor para sa agarang medikal na atensyon.
Sa pinangyarihan ng krimen, narekober ang isang basyo ng bala ng kalibre .45 na baril.
Patuloy ang mga awtoridad sa kanilang imbestigasyon upang matukoy ang motibo sa krimen at maaresto ang mga suspek, na parehong nakasuot ng itim na helmet.
Napag-alaman na ang back rider ay nakasuot ng puting t-shirt, khaki shorts, at may dalang “bayong,” habang ang driver ay nakasuot ng itim na jacket at maong na pantalon.
About Author
