Nanguna ang Batangas State University, The National Engineering University – Alangilan Campus bilang Top Performing School sa September 2026 Geodetic Engineers Computer-Based Licensure Examination o GECBLE, ayon sa Professional Regulation Commission o PRC.
Bukod sa pagiging top performing school, lima sa mga topnotchers ng exam ay mula rin sa BatStateU-Alangilan.
Nanguna sa buong examination si Ma. Alexa Landicho Sy Tamco, na nakakuha ng 90.60 percent rating.
Kasama rin sa topnotchers sina Rank 6 Kristine Diane Baldeo Losito, na may 88.80 percent; Rank 8 Rich Ervin Adalin Macat angay, na may 88.00 percent; Rank 8 Willard Eron Rodriguez Pedernal, na may 88.00 percent; at Rank 9 Reign Manzanilla Dy, na may 87.80 percent.
Samantala, nakapagtala ang BatStateU-Alangilan ng 100 percent passing rate, matapos pumasa ang lahat ng 61 examinees nito.
Pumangalawa naman sa buong exam si Roxy Blue Torres de Jesus ng University of Southeastern Philippines-Davao City, na nakakuha ng 90.40 percent rating.
Sa national results, 842 sa 1,482 examinees ang pumasa, o 56.82 percent national passing rate.
Ayon sa PRC, ito ang pinakamataas na national passing rate sa modern historical records na maaaring ma-verify mula September 2010 onward.
Nalampasan nito ang dating record na 55.90 percent noong September 2025, kung saan 739 sa 1,322 examinees ang pumasa. Mas mataas ito ng 0.92 percentage point.
Nag-100 percent passing rate din ang Visayas State University-Baybay, kung saan pumasa ang lahat ng 28 examinees. Samantala, 56 sa 57 examinees ng University of the Philippines-Diliman ang pumasa, para sa 98.25 percent passing rate.
Isinagawa ang September 2026 GECBLE sa NCR, Baguio, Butuan, Cebu, Davao, Koronadal, Legazpi, Lucena, Pagadian, Rosales, Tacloban, Tuguegarao, at Puerto Princesa, Palawan.
| BChannel News