Nasawi ang tatlong pastor na sakay ng SUV habang 13 ang sugatan matapos na magkarambola ang tatlong sasakyan sa bayan ng Atimonan, Quezon nitong Lunes sa kasagsagan ng ulan.
Sa ulat ng Kapulisan ng Atimonan, dakong alas-10 ng gabi habang binabagtas ng pampasaherong bus ang kahabaan ng Maharlika Highway patungong Bicol nang biglang dumulas umano ang gulong ng bus sa kalsada at inokupa ang linya ng kasalubong na SUV.
Sa lakas ng pagkakasalpok, napaatras ang SUV at tumama naman sa isang truck na nakaparada.
Sugatan naman ang mga pasahero ng dalawang sasakyan na agad na dinala sa ospital sa Lucena City.
Ayon sa ulat, ang mga nasawi ay pawang pastor ng Born Again Christian na dadalo sa isang Pastor Convention sa Dagupan Pangasinan.
About Author
