Nasawi ang isang limang taong gulang batang babae makaraang mabangga ng truck ang sinasakyan nitong tricycle sa Barangay Pulong Niogan, Mabini, Batangas nitong Miyerkules.
Kinilala ang biktima na si Shen-Kyria Venice de Castro, habang ang driver ng truck ay kinilala na si Edgardo Otlang mula sa Negros Oriental.
Sa ulat ng Mabini Police Station, nawalan umano ng preno ang truck, at sinagasaan ang dalawang tricycle.
Naisugod pa sa ospital ang biktima subalit binawian din ito ng buhay. Habang ang driver ng truck ay nasa kustodiya ng pulisya. Patuloy naman ang isinasagawang imbestigasyon ng mga otoridad sa naturang insidente
About Author
