Kinilala na ang mga nagwagi sa katatapos lang na Mister International Philippines – Batangas na isinagawa sa Solano Hotel sa Lipa City, Batangas nitong Linggo (Pebrero 26, 2023).
Nasungkit ni Ruslan Kulikov mula sa Batangas City ang titulong Mister International Philippines Batangas 2023, si Ryan Kristopher Sacopon, ng Talisay ang itinanghal na Mister National Universe Philippines Batangas 2023, wagi naman si Mel John Carcido mula sa Lipa City, bilang Mister Global Philippines Batangas 2023 at para sa Mister Tourism Philippines Batangas 2023 nakuha ni Ivan Mendoza mula sa Balete.
Samantala, itinanghal naman na 1st Runner-Up si Red Mark Baciles mula sa Calaca City habang 2nd Runner-Up si Emmanuel Balba mula sa Tanauan City.
Kakatawanin ni Ruslan Kulikov, ang probinsya ng Batangas sa Mister International Philippines 2023 national pageant bago matapos ang taon. | via Jay Pamintuan | Photo Mister International Philippines – Batangas
About Author
