Bagsak sa kulungan ang dalawang suspek na bumaril sa isang 32- anyos na lalaki bandang 2:30 hapon ng Hulyo 15, 2023 sa Barangay Gulod, Calatagan, Batangas.
Kinilala ng Batangas pulisya ang biktima na si Arlex Tameses Parra, may asawa, habang ang nahuling mga suspek ay sina Angelo Urcia, 54 anyos, may asawa, magsasaka at Larry Kevin Urcia, 30 anyos, walang asawa, at kapwa residente ng nasabing bayan.
Lumalabas sa imbestigasyon ng pulisya, habang ang biktima ay nasa kusina ng kanilang bahay nang dumating ang mga suspek na mag-ama at bigla na lang binaril ang biktima ng ilang beses.
Tumakas ang mga suspek sa hindi pa matukoy na direksyon gamit ang kulay itim na motorsiklo. Isinugod naman sa pinakamalapit na Hospital ang naturang biktima.
Kaugnay nito, agad namang nagsagawa ng operation ang Calatagan MPS at kaagad natunton ang kinaroroonan ng mga suspek sa Brgy, Lanatan, Balayan, Batangas at nagresulta sa pagkakaaresto sa mga suspek at narekober sa kanila ang isang (1) baril na pinaghihinalaang ginamit sa pamamaril at isang motorsiklo na ginamit bilang getaway vehicle.
Sa ngayon, mahaharap ang mga suspek sa kasong Frustrated Murder at inaalam pa ng mga otoridad ang motibo sa nangyaring pamamaril sa biktima. | BPPIO
About Author
