Kalunos-lunos ang sinapit na pagkamatay ng isang lalaki matapos magulungan ng apat na sasakyan habang ito ay nag-aasist ng isang trailer truck sa Brgy Paliparan, Dasmarinas City, Cavite noong Sabado ng gabi.
Ayon sa imbestigasyon ng pulisya, tinutulungan na-i-assist ng biktima na si Jobby Jimenez, ang trailer truck na umikot sa harapan ng Omega warehouse nang mabangga ito ng isang kotse.
Subalit habang nakahandusay ito sa kalsada ay nagulungan naman ito ng isang SUV, at pagkatapos ay sumunod pa ang dalawang kotse na gumulong sa katawan nito.
Patuloy naman ang imbestigasyon ng mga awtoridad sa naturang insidente.
Napag-alaman na ang mga sangkot na sasakyan ay isang Mitsubishi Sedan na may plakang XRN 725; Toyota Revo na may plakang WMR 215; isang Toyota Yaris na may plakang Z6F 888, at isang Toyota Vios na may plakang NAV 3289.About Author
