Patay sa pamamaril ang isang lalaki habang sugatan naman ang kanyang anak sa Purok 7, Barangay Pinagkawitan, Lipa City, Batangas noong Sabado ng umaga Pebrero, 24.
Kinilala ng Lipa Police ang mga biktima na sina Roger Japlos, 47-anyos, habang ang anak nito ay si Rico Japlos, 23-anyos.
Ayon sa report ng Lipa City Police, habang patungo sana sa trabaho ang mag-ama sakay ng isang motorsiklo nang sumulpot na lang ang di pa kilalang ssupek sakay ng motorsiklo at saka sila pinagbabaril sa iba’t ibang bahagi ng katawan.
Matapos ang krimen agad na tumakas ang salarin na nakasuot ng helmet at itim na jacket.
Nadala pa sa ospital ang mga biktima subalit binawian din nang buhay si Roger habang ang kanyang anak ay kasalukuyan pang nagpapagaling.
Narekober ng pulisya sa crime scene ang apat na basyo ng bala ng kalibre .45
Sa ngayon, patuloy ang isinasagawang imbestigasyon ng pulisya sa naturang insidente habang inaalam na rin ang motibo ng salarin gayundin ang pagkakakilanlan nito.
About Author
