Napansin at sinita ni Senate Presiding Officer Chiz Escudero si Manila Representative Bienvenido “Benny” Abante matapos itong makitang tila nakakatulog habang nagpapatuloy ang impeachment trial ni Vice President Sara Duterte.
Sa gitna ng proceedings, sinabi ni Escudero na mukhang pagod si Abante at hiniling kina Representative Lorenz Defensor at dating Representative Ace Barbers na tingnan ito at “kindly nudge” o bahagyang gisingin.
Nagbiro naman si House lead prosecutor Representative Gerville Luistro at sinabi, “I think he is praying for us,” habang tila nakapikit at nagpapahinga si Abante.
Nang matanong tungkol sa nangyari, sinabi ni Abante na alas-dos na ng madaling araw nang siya nakatulog.
Aniya, inaantok siya habang nakikinig sa mga tanong ng defense lawyers.
Nangyari ang insidente habang nagpapatuloy ang extended sessions ng Senado para dinggin ang impeachment case laban kay Vice President Sara Duterte. | BChannel News