Pormal nang kinilala ng PDEA ang Calapan City District Jail bilang isang Drug-Free Controlled Facility matapos ang masusing assessment nitong Huwebes.
Pinangunahan ni PDEA Mimaropa Director Maharani Tosoc ang pagsusuri na dinaluhan ng mga kinatawan mula sa DILG, BJMP, PNP, DOH at DSWD.
Kasama sa delegasyon sina DILG Mimaropa Director Frederick Gumabol, BJMP Oriental Mindoro Jail Administrator JCI Brayan Ian Paul Rañada, CCDJ Warden JSInsp. Rodante Cayabyab, at PNP Mimaropa RCADD Chief P/Col. Simeon Gane Jr.
Ayon kay BJMP Mimaropa spokesperson Jail Officer 3 Joefrie Anglo, pasado sa lahat ng indicators ang pasilidad para ideklarang drug-free, patunay umano ng mahigpit na seguridad, disiplina at suporta sa tunay na rehabilitasyon ng mga Persons Deprived of Liberty.
Saklaw aniya ng pagsusuri ang dokumento, compliance reports, inspeksiyon at panayam sa mga personnel. Bahagi ito ng patuloy na kampanya ng BJMP Mimaropa para mapanatili ang drug-free jail facilities sa buong rehiyon. | BChannel news |📸BJMP Calapan City District Jail
About Author
