Arestado ng pulisya ang dalawang drug suspect, isa sa mga ito armado, sa magkahiwalay na buy-bust operation nitong Martes sa Lipa City sa Batangas.
Sa ulat ng Lipa City police, nahuli ng mga anti-narcotics agents si Edwin Lacerna, 46, matapos magbenta ng isang pakete ng shabu (crystal meth) sa Barangay Kayumanggi alas-12:50 ng umaga.
Natagpuan din si Lacerna na may bitbit na hindi lisensiyadong caliber .45 pistol na may apat na bala.
Nadakip din ang isa pang hinihinalang tulak ng droga na si Pedro Tumbali, 33, sa isa pang operasyon sa Barangay Balintawak.
Nakuha rin ng mga awtoridad ang isang plastic sachet ng shabu.
Nakumpiska rin ng pulisya ang isang motorsiklo na pinaniniwalaang ginamit ng suspek sa kanyang pakiki-pagtransaksyon ng iligal na droga.
Samantala, nakakulong ang mga suspek sa kulungan ng police station at nahaharap sa mga kasong paglabag sa Comprehensive Dangerous Drugs Act of 2002 at isa pang kasong kriminal para sa illegal possession of firearm.
VIA | INQ
About Author
