Patay ang isang lalaki matapos barilin ng ‘di pa kilalang suspek habang gamit ang kanyang cellphone sa labas ng kanilang bahay bandang alas-6:20 ng gabi, nitong lunes.
Kinilala ng awtoridad ang biktima na si Mario Cielo Moraleja alias “Golden Boy”, 50-taong gulang, residente ng Brgy. San Isidro Norte, Sto Tomas City, Batangas.
Nagtamo si Moraleja ng maraming tama ng bala sa katawan at naisugod pa siya CP Reyes Hospital pero idineklara nang dead-on arrival.
Tumakas naman ang suspek sakay ng motorsiklo patungong Brgy. Sta. Maria, Sto. Tomas City hanggang Tanauan City.
Patuloy naman ang isinasagawang imbestigasyon ng otoridad sa naturang insidente. |BNC
About Author
