Sugatan ang driver at ang pahinante ng isang delivery van matapos makabanggaan ng isang pampasaherong bus na nag over-take umano ng linya sa highway ng Pagbilao, Quezon dakong alas-2:55 nitong Lunes ng hapon
Ayon sa ulat pulisya, patungo umano sa Bicol ang bus habang patungo naman sa Maynila ang delivery van.
Sa imbestigasyon, bigla na lamang umanong lumihis ng linya ang kasalubong na bus dahil may iniwasan itong motorsiklo.
Dahil dito, nabangga nito ang van. Sa lakas ng impact, umangat pa umano ang van at napasadsad sa gilid ng highway.
Walang namang nasaktan mula sa driver at mga sakay ng pampasaherong bus.
Isinugod agad sa ospital ang driver at pahinante ng delivery van.
About Author
