Dalawa ang naiulat na nasawi sa magkahiwalay na aksidente nitong Sabado at Linggo, sa probinsya ng Rizal.
Sa ulat ng Region 4A police, patay ang rider na si Jude Nicolo Galo habang bumibyahe sa Corazon Aquino avenue sa Barangay San Roque, Teresa madaling-araw ng Linggo.
Bumangga umano ang motor nito sa isang paparating na truck.
Nagtamo ng pinsala ang biktima at nasawi habang dinadala sa pinakamalapit na ospital.
Nasa kustodiya na ng pulisya ang driver ng truck para imbestigahan.
Samantala, patay din ang 12-anyos na batang babae na kinilalang si Nicole Joy Lejano makaraaang mahagip ng dumadaan na SUV sa Highway, Barangay Pinugay Sabado ng gabi.
Sa ulat ng pulisya, biglang tumawid umano ang biktima na nagresulta upang ito’y mabundol ng SUV.
Nasawi ang biktima habang ginagamot sa Hospital. Nasa kustodiya na rin ng pulisya ang driver ng SUV.
About Author
