Arestado ang dalawang lalaki sa magkahiwalay na na buy-bust operation ng mga awtoridad sa Calaca, Batangas nito lamang Miyerkules, Marso 1, 2023.
Sa panayam ng BChannel News Team kay Calaca City PLTCOL Ruel Lito Fronda, kinilala ang dalawang suspek na sina alyas “Argee”, o sa tunay na pangalan nitong Argee De Roxas, 21 anyos, residente ng Brgy. Lumbang na Matanda, Calaca City, Batangas; at alyas “Teteng”, o sa tunay na pangalan nitong Boy Ruzzle Cornesta, 40 anyos, residente ng Brgy. Puting Bato East, Calaca City, Batangas.
Ayon sa pulisya, bandang 10:35 ng gabi nang ikasa ang operasyon kay alyas “Argee” na humantong sa pagkakaaresto nito at pagkumpiska ng dalawang sachet ng pinaghihinalaang marijuana at buy-bust money.
Samantala, 5:49 naman ng hapon nang isagawa ang buy-bust operation ng mga awtoridad na humantong sa pagka-aresto ni alyas “Teteng”, kasabay ng pagsamsam ng isang sachet ng pinaghihinalaang shabu at buy-bust money.
Sa ngayon ay nasa kustodiya na ang mga naturang suspek at mahaharap sa Republic Act 9165 o Comprehensive Dangerous Drugs Act of 2002. | J.Laydia intern | PHOTO CALACA CPS
About Author
