Arestado ang isang lalaki matapos magnakaw at manakot ng mga tao sa Barangay 2, Calatagan Batangas.
Nakilala ang suspek na si Rodrigo Lumayor, 68-anyos, residente ng naturang lugar habang kinilala naman ang biktima na si Judilyn Sernat, residente ng Barangay Balitoc, Calatagan, Batangas.
Ayon sa imbestigasyon, bandang alas-9:00 ng umaga ng Marso 31, 2023, isang tauhan ng Calatagan Municipal Police Station kasama ang complainant ay nagsagawa ng entrapment operation laban sa suspek na nangikil umano sa biktima at iba pang floating cottage owner para bayaran umano ang sea-shore na inaangkin ng suspek, ngunit ito ay sadyang pag mamay-ari ng gobyerno.
Arestado ang suspek matapos ibigay sa kanya ng biktima ang limang daang pisong pera na may lagda bilang bayad sa kanilang balsa sa pantalan.
Naaresto naman ng mga awtoridad ang suspek na mahaharap sa kaukulang kaso. | C.Hernandez intern
About Author
