Sugatan ang isang rider matapos bumangga sa isang sasakyan sa Barangay Banilad, Nasugbu, Batangas.
Kinilala ang rider na si Jayvee Fenis, 18-anyos, residente ng nasabing lugar at wala rin umano itong driver’s license na naipakita sa panahon ng aksidente habang ang may ari naman ng sasakyan ay si Realyn Adams, 34-anyos, residente ng Barangay Natipunan, Nasugbu, Batangas.
Ayon sa report, bandang-alas 11:10 ng umaga ng Abril 11, 2023, nakatanggap ng tawag ang Nasugbu Municipal Police Station mula sa isang concerned citizen para ipaalam ang aksidente.
Batay sa inisyal na imbestigasyon, ang drayber ng sasakyan ay galing sa Tagaytay upang mag left turn papunta sa kabilang bahagi ng daan nang bigla itong nabangga ng rider sa kaliwang bahagi ng daan dahil patungo umano ito sa inner lane at papunta sa Tagaytay City.
Dahil dito, ang rider ay nagtamo ng mga gasgas sa iba’t ibang bahagi ng kanyang katawan, at bali sa kaliwang binti at magkabilang braso samantalang ang sasakyan naman ay may tama sa kaliwang bahagi nito.
Nagkaroon naman ng matinding pinsala sa harap na bahagi ang motorsiklo ng rider. | C. Hernandez, BChannel News intern | PHOTO:TBA
About Author
