Sugatan ang isang lalaki matapos pagbabarilin sa Barangay Putingkahoy, Rosario, Batangas.
Kinilala ang biktima na si Ramelito, 37-anyos, isang hog raiser at residente ng nasabing lugar.
Batay sa report, bandang alas 3:50 ng hapon ng Abril 14, 2023, nakatanggap ng tawag ang Tactical Operation Center ng Rosario Municipal Police Station galing sa Barangay Chairman ng Barangay Putingkahoy, Rosario, Batangas para ipaalam ang shooting incident.
Ayon sa inisyal na imbestigasyon, habang ang biktima ay sakay sa kanyang jitney na nakaparada sa shoulder lane sa harap ng Putingkahoy Elementary School nang bigla nalamang ito nilapitan ng isang hindi pa nakikilalang lalaki.
Nakasuot ito ng motor central jacket na may kulay orange at black na helmet, sakay sa isang kulay itim na motorsiklo at bigla na lamang binaril ang biktima ng dalawang beses gamit ang kalibre .45 pistol.
Agad namang nakalabas ang biktima sa kanyang jitney at tumakbo sa kabilang kalsada habang ang suspek ay nakatas patungo sa direksyong kanluran.
Narekober naman ang dalawang piraso na ginamit na shell para sa kalibre 45.
Isinugod naman ng mga concerned citizen ang biktima sa ospital.
Sa ngayon ay patuloy pa rin ang paghahanap ng mga awtoridad sa suspek. | C.H, BChannel News
About Author
