Arestado ang isang lalaki matapos maaktuhan ng mga awtoridad na naglalaro ng color game sa Barangay Halang, Taal, Batangas.
Kinilala ang suspek na si Robert Sanchez, 22-anyos, tubong Cainta, Rizal at residente ng Barangay Zone 8, Taal, Batangas.
Batay sa imbestigasyon, pasado alas-8:10 PM noong Abril 18, 2023, nang magsagawa ang Taal Municipal Police Station ng operasyon laban sa illegal gambling.
Dito ay naaktuhan ang suspek na naglalaro ng illegal na color game.
Narekober naman ang isang set ng color game table at pera na nagkakahalagang 150 pesos.
Sa ngayon ay nasa kustodiya na ng mga awtoridad ang naturang suspek na nahaharap sa kasong paglabag sa PD 1602. | C. Hernandez, BChannel News
About Author
