Patay ang isang 67-anyos na lalaki matapos malunod habang nangingisda sa Dagat ng Brgy. Quilitisan, Calatagan, Batangas bandang alas-2 ng hapon noong ika-28 Hulyo.
Kinilala ang biktima na si Flaviano Bautista, driver at residente ng naturang lugar.
Ayon sa report ng Calatagan Police, nangingisda lang umano ang biktima kasama ang manugang nito na si Loreto Palo nang madulas ito at malaglag sa malalim na parte ng dagat.
Agad naman niligtas ng manugang ang biktima at dinala sa ospital ngunit sa kasamaang palad ay idineklara na itong dead-on-arrival.
Samantala, patuloy pa rin iniimbestigahan ng pulisya ang naturang insidente. | A.J Bayani, BChannel News
About Author
