Sinaksak ang isang lalaki ng kanyang kainuman sa Rosario, Batangas nitong Biyernes, dakong ala-singko y medya ng hapon sa di pa matukoy na dahilan.
Kinilala ang biktima na si Edwin Navarro, 49-anyos na residente ng Brgy. Natu, Rosario, Batangas at ang suspek naman ay si Dolphy Enteliso, 24-anyos na naninirahan ngayon sa nasabing lugar.
Ayon sa inisyal na imbestigasyon, habang nag iinuman ang mga ito sa bahay ni Felix Hernandez sa Brgy. Baybayin, Rosario, Batangas ng bigla na lang sinaksak ng suspek ang biktima sa di pa malaman na dahilan.
Nakatakbo naman kaagad ang biktima at tinulunganng isa pa nilang kainuman para madala sa hospital, nahuli rin ang suspek sa Brgy. Natu, Rosario, Batangas dahil sa ginawang Hot pursuit operation ng Rosario MPS.
Ngayon ay nahaharap ang suspek sa kasong Frustrated Homicide habang ang biktima naman ay nasa Batangas Medical Center para sa pagpapagaling nito. | J.C. Malabanan, BChannel News
About Author
