Dead on arrival sa ospital ang isang 57-anyos na rider makaraang bumangga ang kanyang sasakyan sa nakaparadang dump truck sa national hi-way ng Brgy. Sabang Tuy, Batangas noong Sabado ng gabi.
Kinilala ng Tuy Police ang nasawing biktima na si Arnel Bayaborda, residente ng nasabing lugar.
Ayon sa report ng Tuy Police, habang binabaybay ng rider ang naturang daan ay bumangga ito sa likurang bahagi ng nakaparadang 12-wheeler truck.
Dahil sa lakas nang pagkakasalpok nito sa likuran ng truck ay nagtamo ang rider ng matinding pinsala sa katawan.
Naisugod pa ang bitkima sa ospital ngunit idineklarang dead on arrival.
Sa kasalukuyan, nagsasagawa na ng karagdagang imbestigasyon ang awtoridad sa insidente habang inaalam na rin kung may CCTV malapit sa pinangyarihan.
About Author
