Nasawi ang isang 22-anyos na lalaking rider matapos mag-overtake at makabanggaan ang kasalubong na SUV sa Barangay Sta Cruz, Alitagtag, Batangas noong Sabado bandang alas-10:30 ng gabi.
Ayon sa imbestigasyon ng Alitagtag Police, habang minamaneho ng rider ang kanyang motorsiklo ay sinakop umano nito ang kabilang linya, at sumalpok naman sa kasalubong na SUV.
Dahil sa matinding impak, nagtamo ng malubhang sugat sa ulo at katawan ang naturang rider.
Nadala pa ang rider sa ospital subalit idineklarang dead on arrival.
Dinala naman ang driver ng SUV sa kustodiya ng pulisya para sa karagdagang imbestigasyon.
About Author
