Dead on the spot ang 43-anyos na biktimang si alyas Noel matapos maka-ilang ulit na barilin sa loob ng gate ng kanyang bahay ng hindi pa natutukoy na suspek, nitong alas-syete ng umaga ng Huwebes, August 8 sa Brgy. Balibago, Lian, Batangas.
Ayon sa inisyal na imbestigasyon ng Lian Police, dumating umano ang biktima sa kanyang bahay kung saan s’ya ilang beses na pinaputukan ng gunman na noo’y naka-abang sa gate.
Agad na binawian ng buhay ang biktima samantalang mabilis namang nakatakas ang suspek na ayon sa deskripsyon ay lalaki, tinatayang nasa 5’5 ang tangkad, may katamtamang pangangatawan at nakasuot ng itim na jacket.
Patuloy ang imbestigasyon ng mga awtoridad sa naturang krimen gayundin ang motibo ng suspek sa pamamaslang sa biktima. | A. Toledo, BChannel News
About Author
