Patay ang isang 59-anyos na lalaki matapos pagsasaksakin sa iba’t ibang parte ng katawan nito bandang ala-7:20 ng gabi sa Barangay Mabalanoy, San Juan, Batangas nitong Lunes, Agosto 19.
Kinilala ang biktima na si alyas Ariel habang ang suspek ay si alyas Marcelito na pawang residente ng Brgy. Mabalanoy, San Juan.
Ayon sa inisyal na imbestigasyon ng San Juan Police, nagkaroon umano ng mainit na pagtatalo sa pagitan ng suspek at biktima nang bigla itong humugot ng baril. Agad rin namang kinuha ng suspek ang dalang kitchen knife na nasa kanang bewang nito at doon pinagsasaksak sa iba’t ibang parte ng katawan ang biktima.
Naisugod naman ang sugatang biktima sa ospital ngunit binawian din ito ng buhay.
Samantala, nakatakas naman ang suspek at patuloy na pinaghahanap ng mga pulisya. | D.Rupan, BChannel News
About Author
