Isang 52-anyos na magsasaka ang nasawi matapos makuryente sa Barangay Sta. Maria, Calauag, Quezon, bandang 11:00 AM noong Marso 19, 2025.
Kinilala ang biktima na si Reynaldo Candor Magtibay, isang residente ng nasabing barangay. Ayon sa imbestigasyon ng Calauag Municipal Police Station, habang pinapakain niya ang kanyang kalabaw malapit sa bahay ng kanyang amo na si Dennis Impleo, aksidente niyang nahawakan ang isang nakalantad na live wire, na naging sanhi ng kanyang agarang pagkamatay.
Natagpuan ang wala nang buhay na katawan ng biktima ng kanyang nakatatandang kapatid na si Arnolfo Magtibay bandang 6:00 PM ng parehong araw. Naiulat ito sa pulisya bandang 7:00 PM.
Ayon sa mga awtoridad, walang nakitang indikasyon ng foul play sa insidente. | BChannel NEWS
About Author
