Sa isang viral na video, makikita ang Dumanjug Mayor na si Gungun Gica na sinampal ang isang lalaki na umano’y sangkot sa child cyber pornography at pang-aabuso sa mga menor de edad.
Ayon sa mga ulat, ang insidente ay naganap noong Agosto 19, 2025, nang tawagin ni Gica ang suspek at ang asawa nito sa kanyang bahay upang makipag-usap hinggil sa kanilang kasong kinahaharap.
Ang suspek, na kamag-anak umano ni Gica, ay humingi ng tulong mula sa alkalde upang “linisin” ang kanilang krimen.
Ngunit hindi pumayag si Gica at iginiit na harapin ng mga suspek ang mga paratang laban sa kanila.
Nakalulungkot na kabilang sa mga biktima ng insidenteng ito ang tatlong menor de edad, kabilang ang isang 3-anyos at isang 11-anyos na bata na sinasabing inabuso mula pa noong edad 10.
Pinangako ng mayor sa mga biktima ng pang-aabuso na tutulungan silang makapagpatuloy sa kanilang edukasyon at tinitiyak niyang personal siyang magbibigay ng suporta sa mga batang biktima sa kanilang pag-aaral.
Ang video ng insidente ay na-upload ni Gica sa kanyang social media page noong Agosto 22, at ito ay naging viral. | BChannel NEWS
About Author
