Magaganap ang isang total lunar eclipse na makikita sa Pilipinas sa darating na September 7 at 8, ayon sa Pagasa.
Sa loob ng halos 1 oras at 23 minuto, tuluyang matatakpan ng anino ng mundo ang buwan.
Magsisimula ang penumbral phase ng alas-11:27 ng gabi ng September 7, susundan ng partial eclipse pagsapit ng alas-12:27 ng hatinggabi.
Papasok sa totality ang buwan bandang 1:30 a.m. ng September 8 at tatagal hanggang 2:53 a.m., habang matatapos ang penumbral phase pagsapit ng 4:57 a.m.
Ayon sa PAGASA, ligtas panoorin ang lunar eclipse kahit walang gamit na protective eyewear.
Makikita rin ang kabuuan ng blood moon na ito sa East Africa, Asia, at Australia.
About Author
