Nag-viral sa social media ang isang insidente sa loob ng sinehan matapos umano mauwi sa komprontasyon ang paulit-ulit na pagbibigay ng spoilers habang ipinapalabas ang Spider-Man: Brand New Day.
Batay sa kumakalat na post, isang lalaki na umano’y pangalawang beses nang nanonood ng pelikula ang nagkukuwento ng mga susunod na eksena sa kanyang kasama, bagay na ikinairita umano ng ilang manonood na nakaupo sa malapit.
Ayon sa ulat, nauwi ang pagtatalo sa pisikal na komprontasyon sa loob ng cinema hall, dahilan upang maantala ang panonood ng iba pang moviegoers.
Kumalat din online ang video ng umano’y insidente at umani ng iba’t ibang reaksiyon mula sa netizens.
Ang Spider-Man: Brand New Day, na pinagbibidahan nina Tom Holland, Zendaya, Sadie Sink, at Jacob Batalon, ay kasalukuyang isa sa mga pinaka-pinapanood na pelikula sa mga sinehan.