Kasabay ng unang induction ceremony ng Charter Officers ng Batangas Province People’s Council, inilunsad din ang unang livelihood projects nito para sa iba’t ibang sektor sa Batangas.
Isa sa highlights ng programa ang turnover ng unang livelihood project ng council, katuwang ang Philippine Chamber of Commerce and Industry o PCCI Lipa.
Dalawang beneficiaries ang nakatanggap ng sewing machine livelihood assistance. Kabilang dito si Genesis Rodrigo ng Batangas Federation of Persons with Disability, na magulang ng batang may disability, at si Lilia A. Dote ng Cancer Warriors Association, na magulang ng batang sumasailalim sa cancer treatment.
Para naman sa youth sector, tinanggap ng council ang proposal para sa “Best Longanisa” livelihood project, katuwang ang PCCI Metro Batangas at PCCI Lipa City. Layunin nitong magkaroon ng pagkakataon ang mga kabataan sa entrepreneurship, livelihood development at local enterprise.
Samantala, sa unang induction ceremony ng Charter Officers, pormal na nanumpa si Jherald Espeleta bilang Charter Chairman ng Batangas Province People’s Council.
Kasama sa mga itinalagang opisyal sina Romeo Macailao bilang Vice Chairperson External, Allan Carolino bilang Vice Chairperson Internal, Nilo Luna bilang Secretary, Raciel Perez bilang Treasurer, Manny Munda bilang Auditor, Rosalie Rivera at Artemio Villapando bilang Public Information Officers, at mga sectoral chairpersons para sa social, youth, women, farmers, environment, peace and order at iba pang sektor.
Dinaluhan ang aktibidad ng representatives mula sa Civil Society Organizations, People’s Organizations, private sector, government agencies at iba pang partner groups.
Nagbigay rin ng messages of support sina DILG Batangas Provincial Director Robinson Maac at PPDO Department Head Marisa Mendoza.
Kasabay nito, lumagda ang mga charter officers, CSOs, people’s organizations, government agencies at private partners sa “Wall of Commitment.”
Simboliko itong commitment sa partnership, transparency, participatory governance at inclusive development para sa mga Batangueño.
Nagpaabot naman ng congratulatory messages sina Sir Boy Manguera, Vice Governor Hermilando “Dodo” Mandanas at Governor Vilma Santos-Recto, kasama ang iba pang provincial officials.
Sa pamamagitan ng council, layunin nitong magkaroon ng mas konkretong participation ang iba’t ibang sektor sa mga programang nakatuon sa kabuhayan at development ng Batangas.