Apat na lugar sa CALABARZON ang isinailalim sa state of calamity dahil sa epekto ng El Niño, ayon sa National Disaster Risk Reduction and Management Council o NDRRMC.
Sa latest report ng ahensya, kabilang ang CALABARZON sa mga rehiyong may mga lugar na nasa ilalim ng state of calamity. May 66 areas sa Cagayan Valley, 23 sa Caraga, 12 sa Bicol, apat sa CALABARZON at isa sa Soccsksargen.
Sa CALABARZON, 191 individuals ang naiulat na naapektuhan ng El Niño.
Samantala, sa buong bansa, umabot na sa 388,375 individuals o 104,149 families ang affected. Pinakamalaki ang bilang sa Cagayan na may 47,587 individuals, sinundan ng Caraga na may 45,507 at Bicol na may 11,055.
Malaki rin ang naging epekto sa agriculture. Ayon sa NDRRMC, nasa 5.5 billion pesos ang agricultural production loss na naitala dahil sa El Niño.
May hiwalay namang figure ang Department of Agriculture o DA. Sa report nito noong September 26, sinabi ng ahensya na umabot sa 6.87 billion pesos ang agricultural damage, habang 223,214 farmers mula sa 14 regions ang naapektuhan.
Aabot naman sa 249,028 hectares ng agricultural land ang naiulat na napinsala.
Bukod sa agriculture, may mga lugar ding nakaranas ng water supply interruption. Sa Caraga, 39 forest fires ang naitala habang mino-monitor ng pamahalaan ang epekto ng dry conditions.
Ayon kay Office of Civil Defense Administrator Harold Cabreros, binabantayan ang posibleng pagdami ng forest fires habang nagpapatuloy ang dry season. Hinihikayat din ang publiko na magtipid sa tubig at kuryente.
Samantala, nakapagbigay na ang gobyerno ng 39,058,681.06 pesos na assistance sa 24,618 sa 35,893 families na natukoy na nangangailangan ng ayuda.
Kapag nasa state of calamity ang isang lugar, maaaring gamitin ng local government ang emergency funds at magkaroon ng price freeze sa basic commodities.
Ayon sa PAGASA, maaaring umabot sa “very strong” intensity ang El Niño mula September hanggang December at posibleng magpatuloy hanggang first half ng 2027, na maaaring magdulot ng mas mataas na temperature at pagbaba ng rainfall.