Nabiktima ng mga babaeng kawatan ang isang babae ng mahigit P70,000 habang nagwi-withdraw sa isang ATM sa Dumaguete City, Negros Oriental.
Kita sa CCTV, na nag-withdraw ang biktima sa ATM kung saan pumila sa kanyang likuran ang tatlong babae.
Nang makaranas ng aberya sa ATM ang biktima, nilapitan umano ito at kinausap ng isa sa mga babae. Kinuha umano ng babae ang ATM card ng biktima at sinabing susubukan niya ito sa kabilang machine.
Sa puntong ito, napalitan na ang ATM card nang hindi namamalayan ng biktima.
Saka lamang umano nalaman ng biktima na napalitan ang kanyang ATM card nang muli niyang subukang mag-withdraw at nakita niyang ibang pangalan na ang nakasulat sa card.
Nalaman din ng biktima sa kanyang banko na natangay na ang P70,000 niyang deposito.
Pinaghahanap naman ng pulisya ang tatlong babaeng nakuhanan sa CCTV.
About Author
