Sugatan ang isang 19 anyos na lalaki matapos pagsasaksakin ng tatlong beses nitong Huwebes, Hunyo 30, sa lugar ng Butong, Taal, Batangas.
Nakilala ang biktima na si Darwin Reyes Mortel at suspek na si Russel G. Hernandez at residente ng Butong, Taal Batangas.
Ayon sa ulat ng Taal MPS, Dakong alas 3:00 ng madaling araw nung Hunyo 30, ng lumabas ang biktima sa kanilang tahanan upang iparke ang motorsiklo nito at bigla na lamang itong sinaksak ng dalawang beses sa likod at muling sinaksak pagharap nito sa suspek upang kilalanin na agad ding tumakas matapos ang insidente.
Ibinunyag ng biktima na mayroon silang alitan ng suspek sa isang babae na naging ugat ng krimen.
Kasalukuyan ng ginagamot ang biktima sa Batangas Provincial Hospital sa Lemery, Batangas. | Julianna James F. de Gracia
About Author
