Dalawang katao ang arestado sa isinagawang buy-bust operation ng mga operatiba ng Nasugbu Municipal Police Station dakong alas 7:55 ng gabi ng Nobyembre 9, 2022 sa Zalvadea Street, Barangay 6, Nasugbu, Batangas.
Sa ulat ng Batangas Police Provincial Office, nasamsam ang 2 pakete ng shabu, isang kalibre .38 na baril na walang serial number at mga bala.
Kinilala ng mga awtoridad ang mga suspek na sina Crisanto Sumanguid, 38 taong gulang, walang trabaho at Jeffrey Tenorio, 26 na taong gulang, drilling service, at pawang mga residente ng Barangay Putat, Nasugbu, Batangas.
Mahaharap ang mga suspek sa kasong paglabag sa Comprehensive Firearms and Ammunition Regulation Act at Comprehensive Dangerous Drugs Act of 2002.
Nasa kustodiya ng Nasugbu Municipal Police Station ang mga naturang suspek at sasailalim sa drugtest samantalang ang mga narekober na ibedensiya ay sasailalim sa pagsusuri ng Batangas Provincial Forensic Unit.
About Author
